Pagina:Goldoni - Opere complete, Venezia 1911, XIII.djvu/344

338

ATTO TERZO

Lucietta. Gh’ela to mare? (a Zorzetto)

Zorzetto. Sì.
Lucietta. Voggio chiamarla.
Sior’Orsola! (chiama)

SCENA VI.

Orsola di casa, e detti.

Orsola. Chiameu?

Lucietta. Vegnì anca vu, vegnì a ziogar; voleu?
Zorzetto. Sì, cara siora mare.
Orsola. Perchè no?
Pasqua. Semo qua in compagnia.
Orsola. Ben, ziogherò.
Lucietta. Un soldetto per omo¹.
Pasqua. Via, salùdela. (a Gnese)
Gnese. Patrona.
Orsola. Bondì, Gnese. Cossa gh’ala? (piano a donna Pasqua)
Gh’aveu dito?
Pasqua. Gh’ho dito.
Orsola. La vien rossa.
Pasqua. La xe contenta, ma no la se ossa².
Lucietta. (Oe siora mare, cossa gh’è de niovo
In tra Gnese e Zorzetto?) (a donna Cate)
Cate. (Credo che i sia novizzi).
Lucietta. (Vara che stropoletto!)³
Gnese. Zoghemio?
Lucietta. Mettè suso; (mette il soldo nella semola)
Questo xe el mio.
Gnese. Anca mi.
Orsola. Questi qua xe do soldi. Anca per ti. (a Zorzetto)
Pasqua. Gnese, impresteme un soldo.

1. Per ciascuno.
2. Non osa.
3. Guarda che omettino! Stropolo, turacciolo: v. le Massere, atto IV, sc. 4 (vol. XII della presente edizione).