Pagina:Goldoni - Opere complete, Venezia 1913, XVI.djvu/121

LE MORBINOSE

115

In fazza alla parona le deventa scarpie¹.

Per comparir, a ela ghe basta una strazzetta,
E la sta ben con tutto. Oh siela benedetta! (parie)

SCENA II.

Siora Marinetta, poi Tonina che torna.

Marinetta. Tonina me vol ben, ghe vôi ben anca mi.

Per questo, poverazza, la me loda cussì.
Da resto, no son orba; vedo, cognosso e so,
Senza presumer gnente, quel che gh’ho, e che no gh’ho.
Tonina. Sala chi xe?
Marinetta.   Chi xe?
Tonina.   Siora Felice.
Marinetta.   Eh via.
A st’ora?
Tonina.   Cossa disela? A st’ora la vien via.
Marinetta. Che la vegna. Sentì. Sbattè la cioccolata.
Tonina. Bisogna che la fazza; no ghe ne xe de fata.
Ghe ne giera do chiccare, e la se l’ha bevua
Tutta quanta za un poco quella vecchia monzua².
(parte)

SCENA III

Siora Marinetta, poi siora Felice.

Marinetta. Gramazza, la procura de mantegnirse in ton³.

Felice. Marinetta, ghe seu? (di dentro)
Marinetta.   Sì, vita mia, ghe son.
Felice. Cossa diseu, co⁴ presto che ve vegno a trovar?
Marinetta. Mo sè brava dasseno. Me fe strassecolar.

1. Ragnateli.
2. «Asciutta, succiata»: Cameroni. Monzer, mungere. Vol. II, 144, n. a.
3. V. sopra.
4. Co, ora significa come (quanto) e ora quando. Qualche volta è invece la preposizione con.