Pagina:Goldoni - Opere complete, Venezia 1913, XVI.djvu/126

120

ATTO PRIMO

Veli qua tutti do. Pontèmoseli al sen.

Vôi che femo la scena, come che va.
Felice. Sì ben.
(si puntano il nastro al petto)

SCENA VII.

Siora Lucietta, siora Bettina e dette.

Lucrezia. Ghe xe nissun?

Felice.   Sentì. (a Marinetta)
Marinetta.   Oh per diana de dia,
Xe qua siora Lucietta co Bettina so fia.
Felice. Mo za, la fia e la mare tutto el zorno a rondon¹.
Marinetta. Vegnì avanti, Lucietta.
Felice.   E sì no le par bon².
Lucietta. Patrona. (a Marinetta)
Marinetta.   Oh oh patrone. Che bon vento?
Bettina.   Patrona.
(a Marinetta)
Marinetta. Patrona, fia. (a Bettina)
Felice.   Patrone. (a Lucietta e Bettina)
Lucietta.   Oh qua la xe? Patrona. (a Felice³)
Marinetta. Sè in maschera a bon’ora.
Lucietta.   Cossa diseu? mia fia
La dise che debotto el carneval va via.
St’anno el xe tanto curto...
Bettina.   L’è debotto fenio.
Se no se ne tolemo...
Lucietta.   E mi ghe vago drio.
Marinetta. Sentève.
Bettina.   Eh, no son stracca.
Felice.   Avè tanto ballà.
Bettina. Ballerave anca adesso.

1. In giro. Vol. II, 419, n. e.
2. V. scena I.
3. Ed. Pitteri: a Felicita.