Pagina:Goldoni - Opere complete, Venezia 1913, XVI.djvu/389

Da Wikisource.

I MORBINOSI 383


ATTO SECONDO.

SCENA PRIMA.

Camera.

Brigida, poi Toni.

Brigida. Cossa mai xe sta cossa? mo cossa mai vol dir,

Che sto sior conte Anselmo no lo vedo a vegnir?
Per devertirme un poco, el me fa vegnir qua,
El va via, e no lo vedo; che el m’avesse impiantà?
No crederave mai. La sarave un’azion
No miga da un sior conte, ma da un poco de bon.
Vien el puto dasseno, el me saverà dir,
Se el l’ha catà1 gnancora, se el se vede a vegnir.
Toni. Patrona reverita.

  1. Catar, trovare. V. scena precedente.