 |
Questa pagina è stata trascritta, formattata e riletta. | |
| 296 |
E i ne pagherà ben, e ricchi se faremo,
Compreremo dei stabili, e po se sposeremo.
Pasqualino. Vi ha detto il conte Lasca, che posto vi daranno?
Tonina. Lassème far a mi; no ve tolè sto affanno.
Son la prima a saverlo; de scieglier son patrona.
No gh’è gnanca discorsi. Mi sarò prima dona.
Pasqualino. Se vi son due tenori, voglio esser primo.
Tonina. A pian.
No poderessi far la parte del sopran?
Pasqualino. Per qual ragion?
Tonina. Perchè, caro el mio ben, me preme,
Che anca co recitemo, femo l’amor insieme.
Se canta co più gusto quell’aria de passion,
Quando che la se dise secondo l’intenzion;
E quando i altri canta, proprio se se consola,
Tra do che se vol ben a dir qualche parola.
Se ghe xe in te la parte: Caro, per te io peno.
Proprio se ghe dà forza, co se voi ben dasseno;
E quando se se lassa: Addio, mio dolce amor,
El popolo cognosse, se el se dise de cuor.
SCENA II.
Maccario, Annina e detti.
Pasqualino. Chi è questi?
Tonina. Nol cognossè? el poeta.
Pasqualino. E la donna?
Tonina. Seu orbo? La Bolognese! Anneta.1
Vegnì avanti, patroni. Caro sior Pasqualin,
Finzè de no cognosserla? ve divertì un tantin.
Pasqualino. Ritorniamo da capo? (con sdegno)
- ↑ Ed. Antonelli: La bolognese Aneta.
