Pagina:Goldoni - Opere complete, Venezia 1922, XXI.djvu/396

Da Wikisource.
Jump to navigation Jump to search


SCENA V.

Cecilia, poi Bortolo.

Cecilia. Semo de carneval, xe vero ; gh’ ho dà parola, ma per dir la verità, no so miga se ghe anderò. Ghe penserò suso avanti de andar.

Bortolo. Ho visto sior Lissandro. Aveu compra le buccole ?

Cecilia. Le ho comprae. VeleC) qua, vardè; xele belle?

Bortolo. Belle. No me n’ intendo ; ma le par belle. Quanto le aveu pagae ?

Cecilia. Stimèle.

Bortolo. Vinti ducati ?

Cecilia. Quanti zecchini fali ?

Bortolo. Sie zecchini, manco otto lire.

Cecilia. Povero martuffo !

Bortolo. Mo se v’ ho ditto che no me n’ intendo.

Cecilia. A forza de parole, el me l’ ha lassae per tre zecchini.

Bortolo. Via, via, son contento. (le incarta e le mette via)

Cecilia. Se poi saver a chi volè far sto presente ?

Bortolo. Ve dirò pò.

Cecilia. Me pareria che a vostra sorella...

Bortolo. Mo se vel dirò. (vuol partire)

Cecilia. Vegnì qua, ve voi domandar un consegio.

Bortolo. Che xe?

Cecilia. Xe sta qua quel scempio de sior Zanetto...

Bortolo. Oh caro ! Se savessi giersera che scene che s’ha fatto sora de elo !

Cecilia. El me l’ ha ditto. E cussi ghe giera qua anca quel mat- tarana de sior Lissandro. Zanetto n’ha conta che l’è innamora, e alle curte Lissandro s’ ha impegna de farlo disnar ancuo in t’un terzo liogo in compagnia de sta so morosa, e i vorave che ghe andasse anca mi. Cossa diseu ?

Bortolo. Mi ve consegio de no ghe andar. (I) Eccole.