Pagina:Goldoni - Opere complete, Venezia 1922, XXI.djvu/401

Da Wikisource.
Jump to navigation Jump to search


Tonina. Via, siora dottora, cossa vorressi dir ? Chi ve sente vu, pareria che fusse una stramba.

Riosa. No parlo altro.

Tonina. Tra mario e muggier se cria, se se magna i occhi, e pò se fa pase, e la xe fenia.

Riosa. Se la fusse fenia !

Tonina. Tasè là, che son stuffa.

Riosa. (El xe el più bon omo del mondo, e la lo fa desperar). (da sè)

Tonina. Siora ! cossa diseu ? (con sdegno)

Riosa. Oh digo de ste calze.

Tonina. No vorria che ve tolessi troppe boneman (a).

Riosa. Oh la tasa, che credo ch’el sia elo.

Tonina. Da che banda ? (guardando alle due porle laterali)

Riosa. Da sta banda qua. Lo conosso in tei far la scala.

Tonina. Via, via, me ne contento. El xe vegnù a un’ora discreta ; averzìghe (i).

Riosa. No gh’ alo la chiave ?

Tonina. N’ importa. Averzìghe ; gh’ aveu paura d’ incomodarve ?

Riosa. Siora SI, no la vaga in collera, (si alza e va ad aprire) (La) xe proprio impastada de velen). (da sè)

Tonina. (La gh’ha rason, cullai, ma no posso far de manco), (da) se) E CUSSI xelo elo ?

SCENA VII.

Gasparo e dette.

Gasparo. Siora sì, son mi. (con ciera ridente)

Tonina. Bravo sior, dove seu sta fin adesso ? (ridendo)

Gasparo. Fin adesso ! non xe gnancora disisett’ ore.

Tonina. Digo fin adesso, perchè sè andà via che dormiva, e non v’ ho più visto. (ridendo) (a) Troppa di libertà, (i) Jlprilegli. (1) Colei.