Pagina:Goldoni - Opere complete, Venezia 1922, XXI.djvu/467

Da Wikisource.
Jump to navigation Jump to search


SCENA VII.

Cecilia, Bortolo e ddli.

Cecilia. Amici.

Tonina. Chi domandeli?

Cecilia. No la me cognosse, siora Tonina ?

Tonina. Me par, e no me par.

Lissandro. (Se podesse sbrigarmela !) (tenta di andarsene, ma gli) altri restano Verso la porta, e Tonina sta attenta, e chiude.

Bortolo. Semo boni amici de sior Gasparo, e semo pieni d’ob- bligazion.

Cecilia. Certo : no gh’ ha basta favorirne sta mattina, el vuol che godemo le so grazie anca stassera.

Tonina. Oh cossa disela ? L’ onor, semo nu che lo riceverne.

Lissandro. (Sieu maledetti ! Se moverali de là una volta ?) (da sè)

Tonina. (Te cognosso, ma no ti va via), (da sè, accennando Lis-) sandro) La favorissa, no xela sior Bortolo eia ?

Bortolo. Per servirla.

Tonina. E sta signora me par de conoscerla...

Bortolo. La xe mia muggier.

Tonina. Ah so consorte la xe ! E mi delle altre volte che ho avuda la fortuna de vederla, l’ho sempre credesta so sorella.

Cecilia. Dasseno ! (un poco confusa) (Sentìu in che impegni che) me mette? Oh stassera no vado via de qua, se la cossa no xe dichiarada). (piano a Bortolo) Sior Lissandro, patron. (scoprendolo nel cuor del sudetto discorso, lo saluta grossamente)

Lissandro. Patrona reverita.

Tonina. Andemo de là, se le se contenta, (a Cecilia e a Bortolo)

Cecilia. Quel che la comanda, (rasserenandosi per non darsi a conoscere)

Lissandro. Me permeitela ? (a Tonino, per andarsene)

Tonina. Sior no. (a Lissandro)

Bortolo. La perdoni, no gh’ ha da esser, me par, anca sior Rai- mondo ? (o Tonino)

Tonina. Sior si, el xe de là in tinello co la so putta.