 |
Questa pagina è ancora da trascrivere o è incompleta. | |
filio Lucæ Holstenio Presbytero Hamburgensi, Basilicæ Principis Apostolorum de Urbe Canonico, familiari, & continuo commensali nostro. Alexander Papa VII Dilecte fili, salutem, & Apostolicam benedictionem. Cum, sicut non sine spirituali animi nostri Lætitia accepimus, Christina Sveciæ Regina illustris ex parentibus hæreticis procreata, ac in hæresibus educata, & instructa, Divino numine illustrata, viaque veritatis agnita, easdem hæreses omnino deserere, & ad gremium Sanctæ Romanæ Ecclesiæ, benedicente Domino, redire desideret; Nos qui pro pastorali munere id unum præcipue curare tenemur, ut siquæ oves a veritatis semita aberrant, in viam salutis revocentur, de tua singulari pietate, prudentia, Religionis Catholicæ, & honoris domus Dei zelo plurimum in Domino confisi, motu proprio, ac ex certa scientia, & matura deliberatione nostra, deque Apostolicæ potestatis plenitudine, tibi eamdem Christinam Reginam, sive prævia abiuratione iudiciali, sive extraiudiciali, aut nulla abiuratione præcedente, sed loco abiurationis recepta tantum ab ea Fidei Catholicæ professione, iuxta articulos pridem a Sede Apostolica propositos, ab hæresibus huiusmodi, ac quibusuis excommunicationis, suspensionis, & interdicti, alijsque Ecclesiasticis sententijs, censuris, & pœnis per eam propterea quomodolibet incursis, iniuncta ei aliqua pœnitentia salutari, alijsque iniungendis, prout eiusdem Christinæ Reginæ animæ saluti expedire cognoveris, in utroque foro auctoritate nostra absolvendi, eamdemque Christinam Reginam in gremium eiusdem Sanctæ Romanæ Ecclesiæ recipiendi, & reconciliandi, adhibito aliquo
