Pagina:Italien112.pdf/200

Da Wikisource.

san Zoane a li soi disipoli: “Adume lo libero de la profecia, e troveremo quella profecia”. E ihairamenti inteizem ogni cossa, e romazem monto contenti questi beneiti disipoli. E cossì gi vegne exponando tute le profecie, e mostrando chi eram staite dite de Ihesu como elle eram conpie fim a lo tempo. E anchor disse: “Ell'è da cree ch'è vegnuo lo Fijor de Dee per compir so che è (e so che) staito dito de ello da li santi profeta. E persò, fijor me, cossì ve digo, che tuto lo contentamento e l'alegresa che voi me posai dá in questa vita, si è che voj creai a ello e segurai[disc.] la soa dotrinna; e se questo e no visse de voj, e no serea mai contento de li faiti vostri. Avanti me parea avej perdua tuta la faiga che o durao per voj; e cossì ser[e]a segondo la veritaj. E odisti voj la parola che ello disse da parte: Biao chi no serà scandalizao in mi? Doncha bem se segue: miseria viverà in questa mondo[disc.] e in l'atra chi serà scandalizao in ello”. Questi, odando queste parole, zitànse tuti in terra cum pianti, e dissem: “Paire, tu sai che maj no se partimo da la toa dotrinna, e cossì semo contenti de seguj bem in tuto quello chi (na) n'ameistreraj, e de questo no dubitá”. E san Zoane fo alegro e disse: “Andaj in paxe, fijoj me, e raxonaj a li vostri fraeli, sichè, avanti che mora, che ve vega tuti bem dispoxi a quello bem che Dee v'a apareiao”. E cossì torna[va]m a caza e raxonavam tuti inseme de queste cosse, e tuto di odivam cosse nove de meser Ihesu Christe, sichè l'annimo lor se disponea a seguir meser Ihesu Christe, e speciamenti depoí la morte de sam Zoane, la quar gi parea che devesse esse tosto, per le parole che odivam da ello. E sam Zoane orava e pregava Dee continuamenti per elli, chi li devese confermá a seguj lo so Fijo beneito, Ihesu Christe e la soa dotrinna. E li disipoli tornàm a san Zoane, tuti confortaj e fortificaj, e dissem a san Zoane como elli eram deliberaj de far tuto quello che ello gi avea dito, soè de seguí in tuto la dotrina de Christe. “Ma noj te preghemo, docissimo paire, so che tu ne lasi vegnir a ti demente che tu é vivo, [che noi sappiamo] bem che la toa dotrinna no è divisa da la soa, ma è tuta unna, e cossì creamo; e anchor ne mostrerai de li soi faiti, poachè el'è quelo chi ne dè far salvi, e si convem che ti ne faci ihairamenti intende queste veritaj”. E san Zoane tuto alegro gi responze[sic]: “Fijoj me, aora m'avej tuto confortao lo sor Dee ve dava[disc.] fortesa in ogni bem”. E laora comensà a mostrá e a dir pu conpiamenti de li faiti de Christe, che maj avesse dito, persochè ello li veiva apareiaj e dispoxi a receive queste parole. Passao un pocho de tempo, che s'aproximava la morte de san Zoana[sic], ello studiava de mete li soi disipoli in bonna sodeza. E pensome che meser Ihesu Christe, seando spesa vota in le parte de Galilea, che ello andase puzoj vote a la prexon descognosuamenti a parlá cum Zoane; parme grande cossa che si grande so amigo, lo quar era stao mandao da Dee per andar davanti a lo Fijo