 |
Questa pagina è stata trascritta e formattata, ma deve essere riletta. | |
| 342 | de motu. |
Graviora centro propinquiora, minus gravia centro remotiora, a natura constituta esse, et cur.
Huc usque gravia et minus gravia, non autem gravia et levia,
diximus; sicut centro propinquius et centro remotius, non autem
deorsum et sursum: inferius enim explicaturi sumus, non esse leve,
hoc est carens gravitate; nec esse locum, qui tantum sursum, non
autem etiam deorsum, sit. Attamen si interdum, ut communiter loquar
(parum enim interest ad propositum nostrum de nominibus contentio),
grave et leve et sursum et deorsum dixero, hoc pro minus et magis
grave, et pro centro propinquius et remotius, intelligatur; donec,
occasione superveniente, de his distinctius determinare liceat. Quod
autem ad praesens negocium attinet, cum ea, quae naturaliter
moventur, ad propria moveantur loca, et cum gravia aut levia sint
quae moventur, videndum est, quaenam gravium loca, et quae levium,
existant, et cur. Verum, quod ad primum attinet, gravium loca ea
esse quae magis centro accedunt, levium vero quae magis distant,
sensu quidem quotidie intuemur; quare talia determinata loca illis
a natura praescripta esse, non est quod dubitemus: verum in dubium
revocari potest, cur talem ordinem in distribuendis locis, non autem
praeposterum, prudens natura servaverit.
Huius distributionis non alia, quod legerim, a philosophis affertur causa, nisi quod in aliquem erant ordinem cuncta distribuenda, in hunc autem Summae Prudentiae distribuere placuit; et simile quiddam Aristoteles, 8 Phys. 32, afferre videtur, dum, quaerens cur gravia et levia ad propria moveantur loca, subdit, causam esse quia habent a natura ut sint apta ferri aliquo, et hoc leve quidem sursum, grave autem deorsum. Ptolemaeus autem, in principio 7i capitis primi libri suae Magnae Constructionis, inquit frustra inquiri cur gravia ad medium ferantur; cum demonstrasset terram, ad quam feruntur, in medio esse. Verum haec difficultatem non tollunt: dato, enim, ferri ad medium quia ad terram ferantur, rursus, cur terra in medio non autem in loco ignis posita fuit, quaerimus. Quod si rem accuratius spectemus, non erit profecto existimandum, nullam in tali distributione necessi-
8. contenctio — 11. dixtinctius — Quo — 12. presens — 16. dixtant — 19, 21, 22, 23. dixtribu.... — 22. dixtribuenda placuit in hunc — 27. Ptolemeus — 28. fruxtra —
