 |
Questa pagina è stata trascritta ma deve essere formattata o controllata. | |
l'oste, da l'una banda e da l'atra, e che pigiai e amasse' so paire e lo so amigo chi am avoto[sic] corpa a fá lo velo". E dege questa cognosencia, che tuti quelli chi g'aveam peccato[sic], e quando elli avem bevuto[sic] de la aigoa unde fo butao la povere e la limeura de lo vello, si se trovàm tute le barbe dorae e luxente como de oro. Or li figij de Levi fem tuto so che ge comandà Moizes e pigiàm le lor spae e arme, e zem per mezo lo oste, e ferìm a destro e a senestro, e amassàm tuti quelli chi ge vegnem incontra e si non agoardàm ni a so paire, ni a amigo, e in quello iorno ge morì II-IIII M. homi, e Moizes ge disse: "Voi avei anchoi morto e consagrao le vostre maim a lo nostro segnor Dee in la morte de li vostri parenti e amixi per che sea daito a voi la benisiom". E poa o congregà tuto lo povo e si ge disse: "Voi avei faito grande peccao contra lo nostro segnor Dee e e monterò anchora sum lo monte a vei se e poisse in nissum modo ni mainera gaba[sic] che ello ve perdone". Tornàsene Moizes a lo nostro segnor Dee e ge disse: "Segnó, questo povo si è punio grandementi, unde e te prego che ti me perdoni o vogij che ti me caci de lo to libero in lo qua tu m'ai scripto". Respoze lo nostro segnor Dee: "Tuti quelli chi verràm contra mi, e li caserò de lo mé libero, ma va ti, e meña questi a la terra che promissi a lor pairi e lo mé angero si te gierà, ma questo povo si e povo[sic] sorve lé in lo iorno de la vendeta". Or lo povo pianzè monti jorni per lo peccao de lo vello de l'oro che Aron fe.
Chì se contèm como lo segnó Dee disse a Moizes che ello menasse lo povo in terra de promissiom.
o nostro segnor Dee disse a Moizes: "Desvala de questo logo, ti e lo povo che ti menasti de Egito, e meñali in terra de promissiom, ch'e promissi a lor pairi Abram, Isach, Iacob, la qua terra abonda laite e melle[sic], e si manderò lo me angero avanti, chi te gierà e te farà fuzí davanti a li figij d'Issael da tuti li povi da mori[sic], e de li Farixei, Gregoxei e Ierbuxei e Filesti, e tuti questi povi som contra de mie, ma e non verò contego, persochè questo povo si è de mara testa, e fossa una fia e me irerò contra de lor, e si lo destruerò". E quando lo povo ave odío quelle parolle, si incomensàm a pianzere[sic] monto forte, ni se vossem alegrá in vestí le lor belle vestimente. Disse lo nostro segnor Dee a Moizes: "Li figij d'Issael sum de duri servixi1, e dige ch'e verò una fiá in mezo a ló e si li destruerò".
Or lantó li figij d'Issael intràm in li soi tabernachuli e ge stavam dentro in zenogiom e adoravam lo nostro segnor Dee, e Moizes preize lo so tabernachulo e portàlo fora de lo oste, e quando Moizes insì fora per andá a lo tabernachulo, levasse tuta le gente e stavam tuti a la porta de la soa tenda, e goardavam aprovo a Moizes, finchè o fo intrao dentro da lo tabernachulo. E quando Moizes fo inter lo so, de lo monte insì una novera chi croviva tuto lo tabernachulo de Moizes, e lo povo stava a l'intrá de le lor tende, e adoravam lo nostro segnor Dee, e Moizes parlava con lo nostro segnor Dee cossì como um homo, e quando Moizes se ne tornà a lo povo per anonciáge so che lo nostro segnor Dee ge comandava, e lo fantim Ioxue, chi era servo de Moizes, si goardava lo tabernachulo.
Chì se contèm como Moizes vi lo segnor Dee e ave le tore unde eram scripti li X comandamenti.
isse Moizes a lo nostro segnor Dee: "Ti me comandi che meñe questo povo in terra de promissiom e si non me dai cognosenssa de ti intregamenti, che e non te posso vei, per tanto, Segnor, fa che trove gracia davanti ti e mostrame la toa fassa, che e te cognosse la toa gracia davanti li toi ogi, e goarda lo to povo e questa gente". Disse lo nostro segnor Dee: "La mea fassa per serto te gierà per date splendó". Respoze Moizes: "Segnó, e non vogio che nissum me reze per dame gia, salvo ti mesmo, e verai con noi, asochè seamo gloriffichai sorve tuti li atri povi chi sum sorve la terra e che noi agiamo trovao gracia davanti li toi ogi". Disse lo nostro segnor Dee: "Tu ai bem trovao gra. davanti li mei ogi, che e cognosso ti mesmo e te mostrerò bem eser ihamo[sic] Dee per nome Dee davanti li figij d'Issael, e si sarò mizericordiozo e pietozo, ma la mea fassa ti non la
- ↑ cerno quod populus iste durae cervicis sit
