Pagina:Marston.Ms.56.1-45.djvu/33

secorre. Quando li figij d'Issael inteizem so, si n'avem grande dolor e fem piamá Saul chi vegnisse a lo canpo con li soi boi denanti da ello. E quando Saul li ave inteizi, si disse a quelli de Gabes Galas che elli se ne tornassem e che infra trei iorni ello li secorerea, e fe retegní um de quelli mesagié, asochè ello ge mostrasse lo camin. Or in quello iorno e in quella ora lo re Saul fo inspirao da lo nostro segnor Dee e fe prende li boi de che ello semenava, e osizeli, e si ne fe pessi, e si li mandà per tuti li termem d'Issael, e fem lo comandamento de lo re Saul, e mostravam li peci de quelli boi morti a quella gente, e acordansse tuti a um vore^[sic], cossì como se elli fossem fre', e fom a no. CCC M. chi vegnem tuti a lo re Saul, e lo re sernè de quelli chi pu ge piaxèm e fene tre parte: re Saul mandà l'una parte a ferí inter la gente da monte de quelli de Naas, e ronpimlli tuti quanti e fem inter lor grande mortalite', e re Saul ferì inter quelli da valle e fom la mao parte quelli de Naas morti e schonfiti, e quando la batagia fo conpia, quelli figij d'Issael dissem: "Que' sum quelli chi dixem che re Saul non regnerà sorve noi? Noi vogiamo che elli seam tuti morti". Respoze Saul: "E non vogio che nissum sea morto anchoi, persochè lo nostro segnor Dee anchoi a faito salvo li figij d'Issael". Disse lantora Samaul proffeta a lo povo: "Vei, questo si è lo nostro re chi dè andá davanti voi e si ve dè reze in batagia, ma e ve vogio mostrá como avei grandementi peccao incontra lo nostro segnor Dee, voi vei bee^[sic] como lo cel è ihairo e schelente, ma nientedemen e pregerò lo nostro segnor Dee e si farà vegní pree, troim e lanpi che a lor parrà esse contra natura". Or quando lo povo vi quella maravegia de quella tenpesta, si fon tuti spaventai e dissem a Samuel proffeta: "Prega a lo nostro segnor Dee per noi peccaoi, che e cognossemo bem che amo faito má quando e demandamo re contra la soa voronte'". Respoze Samul: "Non temei, ma goardeve che de chì avanti voi non peccai e sarei sarvi, voi e lo vostro re Saul". Or re Saul fo lo primé re d'Issael, e fo bon incomensamento, e poa o fo cossì despiaxeive e marvaxe contra a lo nostro segnor Dee, unde Samuel proffeta pianzando fortementi per lo peccao de Saul, lo nostro segnor Dee disse a Samul proffeta: "Non pianzi per Saul, che e l'o deschasao e desmiso de lo reame, ma prendi una anpoleta de orio e vatene a caza de Iesse e umzereai um de soi figij per re, e sia^[sic] quello che e te mosterò, e si è quello chi è obediente a li me comandamenti".

Chì se contèm como Samul proffeta ze a caza de Isse e unzè Davit so figio per re sorve lo povo d'Issael.

Q

uando Samuel proffeta ave inteizo la vorantae^[sic] de lo nostro segnor Dee, si fo tuto confortao e preize soa via e zesene a caza de Iesse, e si ge disse che ello ge mostrasse tuti li soi figij, e Iese si ge li fe vegní davanti, e fegene vegní VII. Disse Samul: "Non sum chì tuti li toi figij, pesochè^[sic] chì non è quello che e sercho". Respoze Iesse: "Non, che e ne o um pisenim chi goarda le bestie". Disse Samuel: "Fallo vegní incontenente". O mandà per ello, e quello avea nome David, chi era monto bello, ardio e alegro, e monto bella fassa e retrava^[sic] in rosso, e quando Samuel proffeta lo vi si disse: "Questo è quello che lo nostro segnor Dee a alezuo re d'Issael". E poa o lo tirà da una parte e preze^[sic] quella anpoleta de orio santiffichao e butàgela sum la testa e dissege: "Lo nostro segnor Dee si t'a elleto re sorva lo povo d'Issael". E poa se partì da ello.

Chì se conte com Davit ocize lo zagante chi era in lo oste de li Filistei

A

poa de lì a um tenpo si se congregàm li Filistei, e vegnem con grande possansa contro a li figij d'Issael, e Saul re si congregà lo so oste e v[e]gne contra quelli in un logo chi avea nome Ramot, e in quello oste de Saul ge era tre figij de Iesse, frai de Davit.

Or, in quello oste de li Filistei, si ge era de forti homi, ma inter li atri o ge era um zagante chi avea nome Golias, lo qua era longo goa VI e parmo um, e avea forssa per homi IIII-, e portava lo schuo de ferro, e lo ferro de la lanssa pezava Vi¹CCC, e per quella raxom pezava tute le arme. Or quando quelli d'Issael voream vegní a conbate, questo zagante jnsiva de fora e metevali in rota, si che de so li figij d'Issael reseveam grande dano, che ogni giorno questo zagante vegniva a la matim e stava contra li figij d'Issael

1. abbr. di un'unità di misura?