Pagina:Marston.Ms.56.1-45.djvu/6

Da Wikisource.
Jump to navigation Jump to search

era pu ata cha tute le atre. E quando Noe vi che l'archa era staita ferma per monti iorni, ello si arvì una de le fenestre, e ello goardà e vi che ello era in logo ato, e vi che la terra era anchora coverta d'aigoa. E si mandà um crovo de fora chi trovà tuta la terra coverta de carne, de la qua o ne mangià tanta che o non curava de torná a Noe. E quando Noe vi che lo crovo non tornava, l'undeman si ge mandà una coronba, la qua tornà a ello a l'ora de vespo e aduxe in bocha una ramma de oriva verde. E, quando Noe la vi, si regracià Dee de quelle maravegie. E poa lassà Noe passá trei di. E poa o tornà anchora a mandá la coronba, e tornà de prezente, e ella vorava in nato[sic] e non vosse intrá dentro, a dá a intende a Noe che a trovava asai da mangiare[sic]. E lantora Noe pensà che o poreiva ben insí de dentre l'archa, e l'umdeman e l'insì fora de l'archa e cassà fora tuti li animai e tuti li oxelli chi eram in l'archa, e ello incomensà [...] con li soi figij, per modo che ello inpì tuto lo mondo de gente, unde, per questa mainera, lo nostro segnor Dee si recoverà lo linagio de l'umana natura chi era perdua. E chi se incomensa la segona[sic] etae.


De la generaciom de Noe


P

osa che Noe insì de l'archa e ave conpio DC agni, e inzenerà um figio forte, lo qua ave nome Gericho, e questo fo grande homo como um zagante, lo qua odì parlá de Adam, e um jorno o disse che o voreiva andá in quello logo unde jaxeiva Adam, e ze in la valle de Ebrom, e, quando o fo in lo logo unde jaxeiva Adam soterrao, ello vi quelli trei rami de che voi avei odío de sorva chi nassèm in la bocha de Adam, e disse proffetezando: "E leverò questi tre rami e si li meterò in logo dezerto, e questi trei rami faran fruto a lo mondo". E trelli de dentro la bocha de Adam, e apozeli in lo dezerto, larga l'una da l'atra. Ma, per vorentai de Dee e per quella cossa che deveiva esse, e se acostàm tuti in um logo e fem de queste tre rame um erboro sensa nisum partimento, salvo le fogie, che l'una era de sedrio, e l'atra de cipreso e l'atra de parma, e quello erboro ste in quello logo fim a lo tenpo de Moizes. Or de sorva e avei odío como Noe conpì agni DC avanti che vegnise lo deluvio, e poa o vivè anchora agni CCCL, e cossì fo la vita de Noe agni DCCCL[sic]. E romaze Sem mao in la generaciom.

Sem ave um figio chi ave nome Archisalem e fo la vita de Sem agni DC. Archisalem ave um figio chi ave nome Salech e fo la vita de Archisalem agni CCC LIII VIIII. Salech ave um figio chi ave nome Ebel e fo la vita de Salech agni CCC. Ebel ave um figio chi ave nome Faleg e fo la vita de Ebel agni CCC. Faleg ave um figio chi ave nome Nacor e fo la vita de Faleg agni CC III VIII. Nacor ave um figio chi ave nome Tarech e fo la vita de Nacor agni CC IIII VII.


Chì se contèm como Tarech fe una monea de la qua fo li III- denari[sic] per li quai fo venduo lo nostro segnor Ihe.um X.e


Q

uesto Tarech fe una monea monto grande per comandamento de Brucio, ree[sic] de Babilonia. E questo Brucio acatà de quella monea trenta denari a so nome, e de quelli trenta denari fo venduo Ioxep a li Egipciain, cossì como voi odirei de chì avanti, e, quando la reña Sibilla vegne de ponente in Ierusalem per odí lo seno de Saramon, si intrà in lo tenpio per orare[sic] e per offerire[sic] quelli trenta denari. Alaora a vi lo fusto de la croxe e proffetezà si como voi