 |
Questa pagina è stata trascritta e formattata, ma deve essere riletta. | |
lo braso asao con lo cotello, e l'angero da ser crià in ata voxe e disse: "Abram, Abram non tochá lo fanti, che lo nostro segnor Dee a cognosuo la toa bona fe e a visto lo to bon cor, che ti non pianzeivi ni ge vorei perdoná de ocillo per l'amor de Dee". Abram levà la testa in ato e vi um monton in um spineto[sic] chi stava apichao per le corne, e Abram si lo preize e de quello fe sacrifficio a Dee in logo de so figio Isael. E de li avanti o ihamà quello monte, soè quello logo, lo nostro segnor Dee cherio[sic]. E lantora lo angero disse a Abram: "Lo nostro segnor Dee dixe, persochè ti obeisti lo so comandamento: E zuro per mi mesmo che murtipicherò lo to linagio si como le stelle de lo cer e cossì como l'arena de lo mar, e lo to linagio paserà[*] le porte de li toi inimixi." Abram se ne tornà con so figio e con li soi serventi e zesene a caza, e poa Abram morì, e so figio Isael lo soterrà in quella valle unde era soterrá Xhara. E romaze Isael, e avea II-V agni quando so paire morì. E Izach ave una mogié chi avea nome Rebecha e era sor de um chi avea nome Labam. E quando Izach ave' agni LIIII- si ave doi figij de soa mogié Rebecha, li quai nassèm a um parto, e lo mao ave nome Ezau e lo segondo Iacob.
Chì se contèm como Isah dè la benedissio a Iacob
in canbio de Ezau so frai.
dixe lo libero de Genexis che in quello tenpo Rebecha disse a so figio Iacob: "E o odío che to paire si a dicto a to frai Ezau: pigia lo to ercho e va a casare[sic] e quella casa chi ti pigere' si me ne aparegia ch'e ne posse mangiare[sic], e poa e te benixirò avanti che e moira". E Rebecha si amava pu Iacob cha Ezau, e Isach amava pu Ezau cha Iacob. E Rebecha, per l'amó ch'e l'avea pu a Iacob, si vorea fá per modo che ello avesse la benissom[sic], e ge disse: "Fa so che e te dirò, va incontenente a lo stagio e pigia doi de li megioi cravei chi ghe siam[sic] e si li aparegia tosto, e poa e li porteremo a to paire a mangiá e si te benixirà avanti che ello mora". Respoze Iacob a soa maire: "Como se porrà fá so, che me fre' e tuto perozo, voi vei, e mi sum senssa cavelli. E, se per ventura me paire goardasse e me cognosesse, e temo che ello non me deisse la soa marissiom in canbio de la benissiom". E la maire disse: "Non temi figior, lassa questa cossa sorve mi, fa pu so ch'e te comando". Or Iacob se ne ze a lo stagio unde era le bestie, e aduxe doi craveoi, e Rebecha si li aparegià como megio ge pareiva che i ge piaxessem a Isach so mario, e si preize le pelle e si ne fassà le maim e lo collo de Iacob e vestìge le robe de Esau, chi eram monto belle. Alaora Iacob si ze a so paire e si ge disse: "Paire, levate suza e mangia de la toa casa e beníxime avanti che ti mori". Or Izach era za si vegio che o non veiva quaxi pu niente e non cognossea nissum per vista, e inteize che quella non era la voxe de Ezau, e si disse: "Chi e-tu?" E Iacob disse: "E sum lo to pimé[sic] figio Ezau, si che ho faito so che me comandasti, e si è staito vorente' de Dee ch'e abia tosto trovao so che e vorea". Disse Isach: "Acostate chì, figior mé, che e te vogio tochá a vei se ti é lo mé primé figior Ezau". E Iacob se acostà a ello e si lo trovà perozo sum lo collo e sum le maim. E disse Isach: "... le maim e a lo collo sum de Ezau, ma la voxe si è de Iacob". E poa o ge disse che o ge aduxesse[*] da mangiá. E quando o g'ave daito a mangiare[sic] e da beive, e quando o l'ave mangiao e bevuo, e si ge disse: "Acostate a mi e si me baxerai". E Iacob se acostà a ello e si lo baxà e, demente che o lo baxava, si centì Isach l'odó de le robe de Ezau e disse: "Cossì vem odor de le robe de me figio como vem lo odó de lo prao fescho[sic] lo qua a benixio lo nostro segnó Dee, e Dee te dea la rozá de lo cel e la grasessa de la terra e abondancia, e sei segnó de li toi frai e se inzenogem denanti a ti e li figij de la toa maire, chi te marixirà sea mareito e chi te benixirà sea beneito e pim de benissiom". Or quando Iacob ave resevoto[sic] la benissiom, e l'insì de fora e se ne ze a caza, e, de tanto, Ezau vegne e aduxe la vianda ch'e l'avea aparegiao in caza soa, e intrà a so paire e si ge disse: "Paire levate su e mangia de la casa che o preizo, si como tu me comandasti, e beníxime avanti che ti mori". Disse Isach: "Chi e-tu?" Disse Ezau: "E sum lo to primogenito Ezau, e su staito a cassá e si o faito so che ti me comandasti". E quando Isach inteize so, si fo monto spaventao e
