 |
Questa pagina è stata trascritta, formattata e riletta. | |
Est locus, hinc Alpes, hinc Appeninus, utrinque
Spectantur celso e vertice cana juga.
Aequali spatio distans grandi impete aquarum
Currit populifer læta per arva Padus.
Hunc prope bis quinum ad lapidem Mirandula surgit
A miro Euridis dicta puerperio.5.
Cum Picum et fratres, vilis quos texerat ulva6,
Mox in avi augusti deposuit genibus.
Hæc inter Mutinæ manet et confinia Mantus
Et frugum dives, ditior et pecoris.7.
Moenibus et lymphis cincta est, mox aggere cinta est
Multiplici atque arce8 nobilis egregia.
Solis ad occasum posita est huic insula, qualem
Non toto spectet navita in oceano.9.
Nam nec naturæ hoc munus, subitove recessu
Exorta est pelagi, tale sed artis opus:10
Quale nec in vastis Asiæ mirabere campis,
Quale nec in culta videris Italia.
Nam partem, ad gelidi quæ vergit plaustra Bootæ,
Orbibus arx munit prædita missilibus,
