Questa pagina è ancora da trascrivere o è incompleta. |
Sto paes el no i someaa a negun outro paes del mondo. Inze ra ciases
stajea solo famea. I pize pi grei i aea cuatordesc ane, i pi pize solo
oto. Par strada l ea duto un caramus, dute che craiaa, i se ra contaa e
i ridea! L ea ciape de pize par ogni cianton: ci ’suiaa a ra balotes, ci a
chiza, ci col balon, ci ’sia col velozipede, ci sun un caal de len:
alcuante ’suiaa a mariaorba, outre i se corea drio: outre, viestide da
paiaze, i magnaa fo: ci fejea teatro, ci ciantaa, ci fejea soute mortai, ci
caminaa co ra mas, ci ’suiaa ai pale, ci s aea viesti da jeneral col elmo
e ra sciabela de carton: ci ridea, ci craiaa, ci se ciamaa, ci batea ra
mas, ci sciubiaa, ci i fejea drio a ra pites che ponde. L ea un
cuarantaoto, un bordel, un rejistro da se stopa ra rees par no se
sordi. Inze ogni piaza l ea teatre, pies de famea da bonora fin di note,
e su par dute i mure de ra ciases i aea scrito algo col carbon: viva i
bepi (inveze de bebi), no voron pi ra scortes (inveze de ra scores), in
on assei de fei i ponte (inveze de conte) e ’so indrioman.
Canche i a betu pe in zita, Pinochio, Paero e dute i pize ruade col ciar
i s a ficia alolo inze par meso chel desio e poco dapo, pode ve pensa,
i ea ormai amighe de dute. Ci araelo podu esse pi contento, pi beato
de lore?
Intra meso chi ’soghe, chi soute, chi bale, res ores, i dis, ra setemanes
es corea via de oga.
- Oh! Ce un bel vive! - el dijea Pinochio duta ra otes che l ciataa
Paero par strada.
- Varda ti se no n aee rejon! - l i respondea chel canipa. - E tu che no
te vorees gnanche moe! Te t aees betu par ra testa de torna a ciasa da
ra to Fatazina, e straza el tenpo su par i libre!... Se ancuoi no t as pi
nuia a che far coi libre e ra scores, l e solo parceche io t ei fato
parsuaso, e t ei da boi consilie, gnero? Solo i amighe pi boi i po fei
piazere come chiste.
117
117 |