 |
Questa pagina è ancora da trascrivere o è incompleta. | |
| 50 |
Ti me lassi solo in leto
Per parlar col to Grazioli
Ti me esponi a un mal de peto
Per la vogia de far noli?
Dona infame senza cuor
Sto bel calcolo ti fa
Del to Conte protetor
Del so cazzo titolà?
Per la Vergine Maria
ln che Mondo songio mai? a
Songio in Africa, in Turchia
Nel Giapon nel Paraguai?
Solo quà come un cogion
In sta spiagia abandonada?
Xelo un sogno? una vision?
Xela un isola incantada?
Songio nato da ligar?
Goi la freve, o Xelo vin?
In camisa? in riva al mar?
Songio el Conte o Trufaldin?
Ah pur tropo che son mi
Da quei cani sassinà...
Povereto el mio Pipì b
Xestu gnanca imbovolà?
Corì presto, Marietina
Meti in opera, tesoro,
Quela cara to manina
Che ne costa un pozzo d’oro!
- a Il Conte ritorna in sé.
- b Il Conte dà un’occhiata al suo membro irrigidito dal freddo.
