Questa pagina è stata trascritta, formattata e riletta. |
Se ’l don de la memoria
El serv a l’omm madur de calamitta
Che le tira ai primm ann de la soa vitta,
Vuj rivangà la storia
5De quand, essend bagaj,
Rivavem al Natal.
Ah quella bella etaa che anca i travaj,
Come l’è natural,
Eren curt e ligger compagn del coo!
10L’etaa che fina i bott
Scusen, poch dopo, a ridegh sora on poo:
Che se capiss nagott,
Ma tutt resta scolpii in la fantasia: