Pagina:Rajberti - Fest de Natal.djvu/28

Da Wikisource.

— 26 —

     E mort in su ona cros:
     215Che sia fada la vostra volontaa,
     Che l’è tropp giust de falla:
     Ma fee a nost mœud almen sott a Natal,
     E salvém dai miseri eccezional.
Ma l’è nassuu ’l Bambin:
     220L’è anmò nott, va i campann a la distesa:
     Mezz el mond l’è già in pee per andà in gesa,
     Che per el Re Divin
     L’è già bella e parada e illuminada
     Tutta in festa a speccià la gent che riva,
     225E la ve dà ona gran messa cantada
     Coll’orghen e la piva.
     Oh cara quella piva di pastor
     Che la sa on certo odor
     De montagna, de nev, de antighitaa,
     230De preseppi, innocenza e povertaa!
     La gh’ha con lee on quai coss
     Che ve fa corr i sgrìsor per i oss.
     Tutt i ann la se incontra col piasè
     D’on amis vecc che torna a basav su
     235Dopo vess staa on gran pezz lontan comè.
     E ben: vorii de pu?
     In giornada se riva
     A cascià l’eresia fina in la piva.