Poesias (Pol)/Igl tgava scazzas

Da Wikisource.
Jump to navigation Jump to search
../

../ IncludiIntestazione 27 settembre 2015 25% Da definire

Poesias (Pol) Poesias (Pol)

6. Igl tgava scazzas.

I
Por da bursa, l' orma malsanga
Igls mis deis steir anavant
La misergi' è' n grond turmagnt
E retgezz' igl migler franc
Per dolour sdrer ord funtanga
Segl tgavar co oss am metta
„La mi orm at ampurmetta“
Screiv' ia ve cun agen sanc.
II
E an circhels vign a freida.
Flommas ia ansemen port
Ed er orva ossa d' mort
E scungir fign mesa - notg.
An manira amprandeida
Tgav' i' siv' igl mies vigl scazza
Sen l' a mè mussada plazza.
Neir' e turbla è la notg.
III
Vei 'na glisch an lontananza
Chella vign scu ena steila
Davos me ord glunscha veisa
Gist las dodesch battigl plang.
Serva nigna preparanza
Cleritad co vign subetta
Terglischour d' ena tazzetta
Tg' en bel mat port' ainta mang.
IV
Igls targlischan, graztga gronda
E cun matgs usche florias
Cun bavronda da biias
Vign agl circhel el cun mè.
El am porscha la bavronda.
Ia pagns: „E cò chel mat
Cun schintgetg schi delicat,
So igl Nosch betg esser ple.“
V
„Bev' igl curasch de sobra vetta
„Alloura veist te la sclaranza
„Vignst cun strign de snavuranza
„Betg ple co cun scungirem.
„Betg ple tgava alla metta.
„Lavour da dé e giasts las seiras!
„Aschas emdas, festas veiras!
„Seia oss ties striunem.“