Poesie (Porta)/94 - RICCHEZZA DEL VOCABOLARI MILANES

Da Wikisource.
Jump to navigation Jump to search
94 - RICCHEZZA DEL VOCABOLARI MILANES

../93 - La mia povera nonna la gh'aveva ../95 - Dormiven dò tosann tutt dò attaccaa IncludiIntestazione 27 settembre 2008 75% poesie

Carlo Porta - Poesie (XIX secolo)
94 - RICCHEZZA DEL VOCABOLARI MILANES
93 - La mia povera nonna la gh'aveva 95 - Dormiven dò tosann tutt dò attaccaa

 
RICCHEZZA DEL VOCABOLARI MILANES

Oh quanti parentell han tiraa in pee
per nominà i cojon! Gh’han ditt sonaj,
toder, granej, quattordes sold, badee,
zeri, testicol, ròsc, ball, baravaj;

gh’han ditt oeuv senza guss, bartolamee,5
barlafus, fasoritt, menus, coo d’aj,
signori de cittaa, zeder, campee,
barolè, ballauster e coraj;

gh’han ditt gandoll, frittur, pes, contrappes,
segond nodar, ballottol, bicciolan,10
e (no soo perché coss) fin Verones.

E adess, in grazia de Madamm Bibin,
gh’è paricc che i domanden i Borsan,
e la massima part i Gherardin.