Poesie friulane/Vilòtis di guère/Lis çiampanis
 |
Questo testo è completo. | |
Ercole Carletti - Poesie friulane (1920)
Lis çiampanis
| ◄ | Vilòtis di guère | Vilòtis di guère - Mònt di Crôs | ► |
Lis çhampanis.
De mé cóve stematine,
sul cricà dal prim barlùm,
ài sintûd une çhampane
dindona, fra végle e siùm.
Dòpo mai che no sintivi,
dòpo mai, a sunà dì!
Chèl salûd, a di ché òre,
mi à fat cuàsi di vajì:
ài crodûd che, in pònt da l'albe,
mi clamassin di lontàn
lis çhampanis de mé vile,
dan dandàn dandàn dandàn....