Poesie inedite (Della Porta)/Rose de giardine e rose di ferre
 |
Questo testo è completo. | |
| ◄ | La stampe |
| A donn’Angelina Ferre pe lu jorne de lu spunzalizie ’nghe Eduarde Pace |
I
Appen’aje sapute ’stamatine
ca Donna Line avè da fa’ la spose
sùbbete àje calate a lu giardine
4pe’ cojè la cchiù belle de le rose.
N’aje truvate une de cartelle,
fresche, gentile, appena spalazzate,
je ci-àje messe atturne ddù ramate
8de rute, de mentucce e cetrunelle:
tante lu ’ddore, quant’è ccerte Criste,
me s’avè messe ’mbrunte gni ’nu chiove
Ma, appene che la rose m° à ’ntraviste
12’nghe la bbummette e lu custume nove,
II
m’à fatte: A ddo’ me purte? A quale vije?
— A ddò te porte? Verse la marine —
àja risposte — spose Donna Line...
16Jamma’ a vvede’ le sette maravije!
Allore s’acciuccate, chela rosa
e à ditte: — Nen ce venghe, àje paure...
quande Donn’Angeline fa la spose
20nen pozze cumbarì ’ca ce sfigure!
— Santa Nicola me’, che jè stu guaje!
e mu gna s’aresolve ’sta faccende?
Me pozze presentà gne nu pezzente,
24’nghe le mane ’n saccoccie?... Nen ce vaje...
III
’Nu fiure ce le vo’, ce fa bbisugne,
E allore àja pensate a n’atra rose
(’na faccia toste che n’ ze ne vrevugne):
28a ’sta rose di ferre. Ma ’na cose
ci sta: ca se sta rose, puverelle,
n’a viste ma’ lu sole e lu giardine,
quacche pregge le te’: jè senza spine.
32Nen sole. Ma tu pije la cchiù belle
de le rose, che fa? ’Nghe ’na jurnate
spoppe, spalazze e more... po’ se squaje
e te lasse le spine appezzutate.
36Immece queste nen si secche maje
IV
Ma ’nghe tutte ’stu pregge e ’stu valore,
’sta rose te’ pur’esse ’nu difette
(a stu munne niente jè perfette!):
40povera rosa me’, nen te’ lu ddore!
Ma che je fa?... Mannaggia lu peccate!
Rosucce, n’ te’ pijà sta passijone,
va’ ’nsanta pace e statte spenzerate:
44lu ’ddore te le ’mpreste la patrone!