Prose e poesie bellunesi 2006/El mazarol
 |
Questo testo è da formattare. | |
Autori vari - Prose e poesie bellunesi 2006 (2006)
El mazarol
| ◄ | VII | IX | ► |
Piero Bressan
El mazarol
Me ricorde
te le longhe sere d invern
ceti, ceti su l fornel de le stue calde,
scoltion le none,
tra el filar e l scapinar calzet,
le ne contea
le s-cione del orco, de le strighe
e del mazarol,
che l portea i tosat cativi
te le sò caverne a l fret.
Ma n dì
che ere ncora n boceta,
el mazarol
el ò vist anca mi.
scondù drio n buscat,
vestì tut de ros,
co n muso brut fa cuel de l diaol,
poche pei su pa l barboz seiz,
e n straz capelat ros
cuerzea i longhi sò cavei,
e te i pie,
sporche le sò galoze ferade.
Pien de paura me son scondù.
L ò vist partir lezier
tra i pra in fior.
(Gosalt)