Prose e poesie bellunesi 2007/II

Da Wikisource.
Piero De Ghetto

Apede la vaces. ../I ../III IncludiIntestazione 8 luglio 2015 25% Da definire

I III

PIERO DE GHETTO DE ROCHE DE LISEO (1932)


Apede la vaces.


In chel istade del 1940, insieme a Bruno Rosselli e a Edoardo del Biso, son dù a pede la vaces ia par Nedui. Aeane da i tende a na vintena de vaces da late che no era dudes a monte.

Come che passeane la dornada dipendea da la vaces che, pi o manco, dute i dìs les fasea la stessa robes: les scominziaa a pascolà a les nuove da bonora al Prin Pian de Nedui, a les undes les era sul Secondo Pian e a medodì les ruaa sul Terzo Pian e les se buciaa do a rumià.

Daspò, pian pianeto, les dea su par al Sitol e les fenìa al giro su la Pausa de Saudame. Verso les cuatro l era ora de tornà a cèsa.

A nosautre tré me restaa an grun de tenpo par dì par i fate nostre, anche se ogni tanto se perdeane ia e sentiane Taresa de Bepo Breo che urlaa da Cianzìa: «La vaces ize Cesalìììs!!!» o carchedun autro che urlaa: «La vaces ize varaaa!!!»

La vaces ciataa senpre al modo de pascolà ize vara. Les passaa al Ru de Paluses, e se carchedun se desmenteaa verta la bochera de la strada de Prazelan, les dea anche pi n su, fin sun Sacus.

E canche torneane a cèsa da da sera sentiane la nostres.

Credo che nessun cognossesse così ben i poste come nosautre tré. Dal ponte de Cianzìa a la Crepa de Fraina cognosseane duta la piantes, dute i sas e duto l resto.

Ogni tanto me penso de la maras-ces salvarghes, de la fraies, de la muies de Saudame, die ciclamini del Sitol, dei zozolute, dei porcini e dei capeloi.

Cuasi sié mes passađe ize n lanpo, ma che à lassà n segno che no se puó desmenteà così fazile, credeme…

(BORCIA)