Prose e poesie bellunesi 2007/XIV

Da Wikisource.
Jump to navigation Jump to search
Lucia Talamini De La Tela

Par piazer, na guoza de aga ../XIII ../XV IncludiIntestazione 2 agosto 2015 25% Da definire

XIII XV

LUCIA TALAMINI DE LA TELA (1957)

Par piazer, na guoza de aga


Na guoza de aga
par me bagnà i auriei;
an ciaze de aga
par me destudà la siede;
na bariza de aga
canche vado su par la monte.
An bazil de aga
par me rinfrescà al mostaze;
an secer de aga
par lavà dó la scudeles;
an mastel de aga
par lavà fora i lenzuos.
Na seia de aga
par sfreà al siolo;
doi sece de ran su l zanpedon
par l aga che ocore ize cèsa;
an ciaudrin de aga
par fèi la polenta.
Aga da pioa
par bagnà i fiores;
an brente de aga
par beerà la besties;
an secel de aga senta
par na benedizion de l Signor.
Aga par chi pi siore,
aga par chi pi puarete,
aga par dute …
e gramarzé,
gramarzé da sen
par duto sto ben: l aga!

(Guodo)