Prose e poesie bellunesi 2007/XX

Da Wikisource.
Jump to navigation Jump to search
Te ai vedù.|Massimo Mosena Noni

../XIX ../XXI IncludiIntestazione 2 agosto 2015 25% Da definire

XIX XXI

MASSIMO MOSENA NONI

Te ai vedù.

Te ai vedù ìnte na dornada d istà,
l oro del sool, al turchin del zìel.
Te ai vedù ìnte al silenzio de le zime,
dantre na val sconduda, fùora dal teenp.
Te aì sentù ìnte al rumoor de la tanpesta,
la saeta la tua forza, al toon la tua oos.
Te ai anca vedù inte na pùore ostaria,
omen fruai da na vìta dura,
che no senpre i à scoltà la tua oos,
ma iliò ti te ere, e te ridee, conteent.

Te ai zercà de domenega inte al doom,
la deent polìto, la giacheta firmada,
al fiol indenìer, la fìa laureada,
le ciacole ùoite, le paste sot al braz.
Ma iliò no te ere, mi no te sentìe,
e alora ti te me as toot da na banda, e te as dit:
- Cua no n é la mia deent, cua no n é casa mia,
cua l é solche al regno del gnia.

(Fornegise)