Prose e poesie bellunesi 2008/La machina bela

From Wikisource
Jump to navigation Jump to search
Massimo Mosena Noni

La machina bela. ../14 ../16 IncludiIntestazione 27 febbraio 2016 50% Da definire

14 16


MASSIMO MOSENA NONI (1966) La machina bela.

Laurave inte na fabrica de ociai,
dut al dì ìnte an capanoon;
par mi la vìta la no canbiava mai,
bondì caporeparto, bondì paroon.

Non ere massa bel, e gnanca dessedà,
avee però la sensazioon,
che valch dovee proprio fà,
par vadagnà pi considerazion.

E alora ai sparagnà,
ai magna soolche aria,
par pudé an dì conprà
na machina legendaria.

E al dì che me l ai tota,
no stae pi inte la pel;
chesta l é la bona ota,
che ai an valch de bel.

Pensae: adees anca le tose,
co sta bestia de motoor,
le me zercarà bramose,
parché son come an sioor.

La testa me ai montà.
- T ees solche an puore mona,
te vade a te copà -
la me disea la nona.

An dì su par Canaal,
ai corest an sin de pi,
no pùole me fà maal,
no puodarai morì.

E inveze po son moort,
piandé amìghi mìei,
spantegà su par na cort,
prima de Pontesìei.

Adees son su na stela,
adees ai capì dut,
ah, se la mia machina bela,
l aesse trata inte condut!

La mia stupidità,
me l ai pagada cara
na vita ai laurà,
par me conprà la bara.

(Fornegise)