Prose e poesie bellunesi 2008/5

Da Wikisource.
Jump to navigation Jump to search
Piero De Ghetto

Tornà a cèsa soa. ../4 ../6 IncludiIntestazione 27 febbraio 2016 50% Da definire

4 6


PIERO DE GHETTO DE ROCHE DE LISEO (1932) Tornà a cèsa soa.

Al dì d incuoi l é canbià tanta robes: i schei no mancia a nessun. Dute i stà de seguro meo de n ota. Resta da vede se l é meo o se l é pedo. Anche a Borcia l é canbià tanto: la dente parla puoco, dute i và par la so strada, somea che i see dute daos scanpà, che no i èibe mèi tenpo de fermasse a parlà come che se fasea can che ió me arlevao. La visinanza no se sà gnanche pi ce che see. Se te fas argo par carchedun, an piazer o na òra, la prima roba che i te domanda l é: “cuanto gosto?“ o “cuanto èibe da te dà?“.

Can che l era manco schei, l era natural dasse na man. Can che se fasea an piazer, no passaa gnanche par la testa de domandà de esse pagade. Chi come me, che i é vìa da cèsa par sete o oto mes a l an, i é fortunade can che i torna. Dute i domanda: “Come staseo, come ela duda , cuanto ve fermao?“, e così l é fazile ciatasse insieme a ciacolà.

Daspò dies menute se puó stà segure che carchedun dìs: “Te pensesto in chel ota?“, e alora, zenza s incorde, se torna a esse doven, a parlà de robes che les somea suziedudes zento ane fa.

Se l é an puoce de dovin su par pede che ascolta, i tase e i me varda come se fossessane daos parlà de robes de chel autro mondo. Al pedo l é can che se parla de chi che se à arlevà apede nos e che no é pi.

Al barba Rìco, che l é morto de cuasi novanta ane, al me disea senpre:

“Can che se deventa vece bisogna adatasse a vede morì tanta dente che se cognosse, dovin e vece, e anche an grun de chi de la so età. Se inveze te muores tu, daspò de n tin, i se desmentea e bona note.“

(Borcia)