Prose e poesie bellunesi 2009/Pensiere de n vecio che fuma l cai

Da Wikisource.
Lucio Fedon

Pensiere de n vecio che fuma l cai ../26 ../28 IncludiIntestazione 28 febbraio 2016 50% Da definire

26 28

LUCIO FEDON (1980)

Pensiere de n vecio che fuma l cai.

N vecio l é sentà, fumando l cai,
su n caregon sul piol,
co le bree negre e fumigade dai ane
come l sò mostaz e l fumo del cai.
L varda l paes davante de lui e pensa che,
come n ota, l é restà ultimo e sol
e l se domanda se calcossa
de chi ane passade tornarà mai,
se l tornarà ndrio come le zirie, come i auziei.
Pò n pensier taca a martoriai l zervel:
cosa me spiatelo, co che ultimo restà
de i ane passade morirei?
Canbiarei, no sarà nia o restarei senpre chel?
Duto me desmentearei o calcossa me pensarei
dei ane miei pi biei?
La resposta l é segura e ciara:
duto canbia e responde mai savarei.
Dopo avé pensà e tribolà assei
la saieza dei ane ghi dà na resposta
e l sò zervel finisse de dasse da fei,
n soriso l nasse sul sò mostaz
e l moe te n modo ledier i sò auriei:
l vecio pensa: i ane pì biei avude i ei,
ades chieto la morte spieto,
e se duto canbia calcossa deventarei.

(Domeie)