Prose e poesie bellunesi 2009/Tèra mees

Da Wikisource.
Antonio Alberti Cuciarin

Tèra mees ../2 ../4 IncludiIntestazione 28 febbraio 2016 50% Da definire

2 4

ANTONIO ALBERTI CUCIARIN (1946)


Tèra mees


Cemodo feje a no te pensà
tèra mea che te sos inpionbada
del corpo dei vece,
anche chel de mè mare,
ignante noma che ospite,
ades duto un con te medema:
tèra soa e tèra de ra mè tèra.
Tèra su de agnó che ujora
(spirito che no n à pasc)
el saé vecio e chel noo:
ra parlada con tropo passà
e ci sa cal davienì.
Aah, se me fosse dà de vede
el mè ego, nesc, senza corpo
sin ‘sì inze par fora,
de ra bianchìza sfarìa
che ra se sara su intor de el.
Ultima porta par ra steles:
ruà infinalmente ai antiche.
E el mè fagoto vanzà là,
scuerto su da un sudario
de cristai bianche; infinche
el corpo no deentarà tèra;
tèra de ra mè tèra. Par senpre.

(Anpezo)