Prose e poesie bellunesi 2010/E mi… ere n sas
 |
Questo testo è incompleto. | |
Autori vari - Prose e poesie bellunesi 2010 (2010)
E mi … ere n sas
| ◄ | 35 | 37 | ► |
ELIANA OLIVOTTO
E mi … ere n sas.
Al silenzio al cuerdea la montagna
co l so nero tabaro.
Sol che n brontolar …
an rodolar de giare …
da lontan … E mi … ere n sas
ingiotì inte l mè urlo
che taiea l aria.
An ‘sol.
Senza pi ale.
Gnent da ciaparse fin do bas.
Parché, montagna,
parché?
E mi, che a ti me branchee,
che te sbasìe,
che te brazee …
Ma, fursi, cua in fra i mus-ci
e l balsamo dei mughi,
me polsarò,
come che me insognee,
in fra i to braz de piera.
Cua nissun me catarà pi.
Senpre co ti, matina e sera,
deventarò an s-ciot de erba
co le radis slongade
inte de ti.
(Ospedal)