Varon Milanes/Strambott de Prissian da Milan a Varon Milanes
 |
Questo testo è stato riletto e controllato. | |
| ◄ | All'illustre signor Ercole Galarato | Resposta de mì Varon Milanes a Prissian da Milan | ► |
STRAMBOTT
DE PRISSIAN DA MILAN
A VARON MILANES.
I hoo sguisii quij vost scriciur on bott,
Em parii tutt Varon spuaa spuisc,
E soo chi fai l’ajà sor i ravisc
Avegh trovaa inscì ben da quatà ’l biott,
Nogh stee mò a fa d’intorna pù naghott
Ch’hin an trop bij: ma tant chi su sto lisc
Fenii la tira, che no fee dal risc,
Se quaigherun ve trass peù drè quai mott.
Se vù fenii, mi ev ved là sù el verzee,
Con na chorona in coo de sciarvelà,
In mez di guarnascion par el nost dee.
On bel mant de scharlata ai spal zachà
Co i brion de busecca, e tucc a dree
Dighand el nost poveta è incoronà.
E par pù bel canà
Strusaa par terra on mij peù la covascia,
Criand al nost Petrarca, al nost Bochascia.