Zent Ladina Dolomites
 |
Questo testo è da formattare. | |
Zent Ladina Dolomites.
Zent Ladina Dolomites
Da gran tenpo destacade;
Co’ ra fortza desunides
Seon restade abandonade!
Da gran tenpo fate s-ciae
E sfrutade d’ ogni vès;
Sentza lèje daante i staie
Seon fenìde sote i pès!
Ma se agnére sparpagnade
Par el mondo on bù da zì;
Se da dute sacagnade
Seon restade par de pì
No par chesto che i no crede
Che ra fortza one pardù;
Che 'l corajo, che ra fede
Dal nosh cuor sin see zù.
Al contrario, rinfortzada,
On ancuoi, ra vorontà
De podé, pa-ra nosh strada,
Tornà a vive in libertà!
Le par chesta, se nos dute, -
Che, òutramente no podon
Se defènde i nosh derite; -
On vorù ʼsta nostra “Union”.