Valch per chi da Col
Jump to navigation
Jump to search
Valch per chi da Col.
Per la seconda ota me permete
De ve dì na parola;
Spere che ogniun azete,
No intende po de ve fà scola.
Per ladin voi descore,
E anzi dut in rima;
No conta nia per valgune ore
Basta pur che no devente puina.
Sion ladign tant noi che i Ampezagn,
I Gherdener e i Badioc,
Chi de Vinaulonch e Fasciagn,
Tant chi cruf che chi coc.
Noi duc de ste valade
Ladign volon restà;
E mi me piajarave
Sta lingua la conservà.