Al pitor Anzolo Dall'Oca Bianca

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
XVII. Al pitor Anzolo Dall'Oca Bianca
(visitando el so studio)
1892

 Edission original:   

Attilio SarfattiLe Rime Veneziane e Il Minuetto, Milano, Fratelli Treves Editori, 1892

 Fonte:

Indice:Le Rime Veneziane e Il Minuetto.djvu

←  XVI. A Mariana Edission e fonte ▼ XVIII. El desiderio de l'amigo  →
[p. 91 modifica]
XVII.


AL PITOR
ANZOLO DALL'OCA BIANCA
(visitando el so studio)


Anzolo, quela testa
Me svegia nela mia
Come una cara festa
4De sol e poesia;

Me svegia le memorie,
Che me dormiva in cuor,
Lontane e alegre storie,
8Bei palpiti d'amor.

[p. 92 modifica]


Quel colo, quei cavei,
Quei negri oci sgranai,
Quel sen perso tra i veli,
12Quei lavri imporporai,

Quel viso onesto e belo
Pien de verginità,
Anzolo mio, l'è quelo
16Che un dì go idolatrà.

Da gran tempo la nostra
Cara union ga finio,
Mi coro un'altra giostra,
20Ela ga za marìo.

Se adesso se incontremo,
Se saludemo e po
Per vie diverse andemo,
24Contenti tuti do.

Ma i bei zorni che, sconti,
Soli se spassizava,
Ma le barufe e i pronti
28Basi che le quietava,

[p. 93 modifica]


E i palpiti e i tormenti
E i bei sogni d'amor,
Sempre li go presenti,
32Li go scolpidi in cuor.

Anzolo, quela testa
Me svegia nela mia
Come una cara festa
36De sol e poesia.

Lezo in ela la storia
Che go vissudo un dì;
Anzolo, sta memoria
40La porto via co' mi.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Al_pitor_Anzolo_Dall%27Oca_Bianca&oldid=41270"