Le Galline e'l mio amor sotto vn'couerto.
Ma in cento parte auerto
Onde la Luna, e'l Sol
Fa tanto pi la casa allegra, e chiara.
Come sotto vn storiol
Sconde fortuna auara
Vna zoia, vna Perla in le scoazze
E infinita bellezza, in poche strazze
El congolo dal pan stroppa vn balcon
Che n'hà scuri, ne veri
Magna inpugno zascun con fa'l falcon,
Senza tola, ò taglieri
Sta la fameia intorno la pignata
Aspettar ch'el sia cotto
Ogn'vn beue int'vn gotto
E tutti sguazza a vn bezzo de salata.
Vita vera e beata
Vn lenzol fa per sie
Che da vn di al'altro, e manizà dal fumo,
Man, brazza, teste, e piè
Si sta tutti int'vn grumo,
Onde se vede vn'ordene à grotesche
De persone, de bestie, e de beltresche.
In casa, chi xe in camera, xe in Sala
Chi e in sala è in maghazen,
Gh'è nomè vn letto int'vna sottoscala
Doue in brazzo al mio ben
