 |
Questa pagina è stata trascritta e formattata, ma deve essere riletta. | |
| 298 | CANTI POPOLARI |
299. T'hê dittu ca cu mia nun cci hâ' parrari,
Mancu a li cosi mei t’hâ’ mîntri a cura1;
Patruna sugnu i’ a cu’ vuogliu amari,
Di tia, figliuzzu miu, cu’ si nni cura?
Cu tanti m’ha’ mannatu a ’mminazzari,
Tu ti cridiennu chi nn’haju paura.
A tia la gilusia ti fa parrari,
La tanta gilusia morti ti duna. (Girgenti).
*
300. Lairu dissapitu mi dicisti,
Ed iu ’na ’ranni pena mi pigghiai;
Pigghiu la strada di lu salinitru,
’Na sarma e mezza di sali accattai;
Lu jettu ’n terra, e tuttu mi cci stricu,
E cuomu un vasilieddu mi salai.
Bella, vulemu fari stu partitu
Ora ca sapurusu addivintai? (Noto).
*
301. Quantu si’ laida, ti vegna la gutta!
Ca di lu Papa fusti ’mmaliditta;
Pozza stari cent’anni ’ntra ’na grutta,
Ciunca, pinata, misera ed affritta;
Pòzzatu aviri tanta carni rutta,
Di manera chi ’un pua stari a l’addritta;
S’idda veni a lu ’nfiernu vi suggetta:
Diavuli, facitinni minnitta2! (Casteltermini).
*
