Questa pagina è stata trascritta e formattata, ma deve essere riletta. |
300 | CANTI POPOLARI |
Facèmucci la scala di cartuni,
Quantu si stocca lu coddu a ’cchianari1 (Palermo).
*
305. Vaju dicennu: cunocchi, cunocchi,
Ca mè mugghieri si ’nsignò a filari;
Havi lu tuppu chinu di pidocchi,
Ca mancu si lu sapi pittinari.
Ma quarchi jornu cci l’ammaccu l’occhi2,
E cci li fazzu comu milinciani;
Quattrucent’anni stassi a chiùjiri st’occhi!
L’urtimu jornu chi fussi dumani3! (Palermo).
*
306. A quannu a quannu lu pupu jiu a ligna:
C’un cutidduzzu nni fici ’na sarma;
Nni lu pinninu si rumpi la cigna,
Nni la muntata si stocca la gamma.
Curriti tutti genti di sta vigna,
Curriti tutti ca ’u pupu s’allanna4. (Polizzi).
*
307. Navichi a la marina a tiempu a tiempu5
Lu marinaru ti porta cantannu,
- ↑ In modo che si rompa la noce del collo nel salire.
- ↑ Le dò de’ pugni agli occhi.
- ↑ Com’è affettuoso questo amante, che desidera lunga vita a sua moglie, ed intanto vorrebbe vederla morta domani!
- ↑ Allannàrisi, lo stesso che allagnarisi, lamentarsi.
- ↑ Da questo canto in poi comincia lo amante adirato a ripiegare. I corrucci vengono cedendo il posto al desiderio di conciliazione e di pace.