 |
Questa pagina è stata trascritta e formattata, ma deve essere riletta. | |
| 52 | Statuts dil Cumin da Trin |
28. Ilg maridar navend.
Item cur ünna fillgia ven maridada ord ilg cumin, ner trai navend elg iester, scha dei ell’esser culponta da dar a lgi cumin f. 10. —
29. Ilg cavar salpeiter.
Milsanavont dei esser scumondau da cavar salpeiter vid ils bagegs damai ca coutras ven savent faig grond donn. A chi ca veñ angartaus c’el surpassass quei, dei esser curdaus fallonza da ∆ 2. — par minchia gada.
NB. Mo sch’ün vess lubienscha d’ilg patrun d’ils bagegs, scha dei el puder cavar suenter la lubienscha minchiamai.
30. Davart la Gievgia cur l’gei priedi.
Mo ouncalara sch’ün vess gie tala lubienscha, scha dei el buc ir la gievgia fertont il priedi, tras ilg qual vangiss dau scandel, targinau il survetsch da Deus, a sut tal praetext pudess vangir autras malas consequenzias. Sco er deig esser scumondau da schunscher biesca, ner ir cun carr a bos, ner manadira or da la vischnounca avont priedi, ner fartont ilg priedi la gievgia.
NB. Sch’un vangiss noutiers avont priedi, ch’el fuss staus en ün auter lieug vivont scha dei ’l esser libers da la fallonza, mo schilgiog dei ’l esser curdau fallonza ∆ 1.
31. Davart ilg temps da far cumin.
L’gei stau afflau par bien a basngius da scumondar da far cumin, ner far propositiuns avont lg’oberkeit la domengia gual suenter priedi, cun quella declaronza, ca d’ilg temps, c’ei ven salvau priedi da gievgia, schei seig anzachei da purtar avont cumin, ner avont lg’oberkeit, scha dei quei daventar la gievgia, ad il temps c’ei ven bucca salvau priedi dad emda possian talas fatschentas vangir proponidas, schei seig basengs la domengia suenter uratiun.
NB. Da cou d’anvi eis ei concediu da salvar cumin denter priedi ad uratiun, cura c’ilg ei bucca priedi da gievgia; mo c’ilg mastral deig bucca rataner cumin sin tal gi par minchia bagattella, mo mai par caussas d’impurtonza ad ilg oberkeit dei er buc esser obligaus da dar audienzia pli c’üna gada, l’amprima gievgia ner domengia d’ilg meins, resalvond caussas d’impurtonza.
32. Davart la domengia co observar.
Milsanavont deig el esser scumondau, sco ilg express cumondament da Deus obligescha a mett’avont ner varnegia da bucca far lavurs corporalas sin ilg gi d’ilg sabbath, ca pon vangir targinadas sin ün auter gi, sco par exempel cunzund masirar funds, marcardar, cumprar a vender, far quints,
