5 Tuot ais silenzi; uoss’in pêsch tout dorma;
Be la dolur tres la valleda vo;
Sula, suletta crida pü d’ün orma;
Bain fortüno chi auncha larmas ho!
Ura notturna, pêsch per tuots tü porta, 10 Spraunza, sorrir, aurora da dalet!
E tü natüra, uossa, fraida, morta,
Porta bain bod eir fluors suot ogni tet!
[p. 24]
Viola.
Viola mia, tü diletta,
Tü flur del pro!
Tü hoz perfümast ma stüvetta,
Dalet prüvo!
5 Tü üm’la figlia d’ ma valleda.
Tesori cher,
Cha prümavaira ais turneda,
Vainst annunzier.
Scu nell’öglieda d’ cher’amia, 10 Eau guard sün te!
E que chi cling’in orma mia.
At dir nun se!
[p. 27]
Notturno.
Oda, cu dutsch favellan
Las stailas nel azzur!
Guarda, in pumpa brillan
Ils pizs in lur candur!
5 Bella la glün’appera,
Semnand intuorn argent,
Bütscha il flüm e l’era
Da fluors nun mouva vent.
Calm’ais la not e püra. 10 Pêsch dutsch’a ricreer;
Calma scu’ n la natüra
Possa in cour avder!
