Compendio biblico in lingua genovese/Chì se contèm como lo segnó Dee disse a Moizes che ello menasse lo povo in terra de promissiom
Questo testo è completo. |
Chì se contèm como lo segnó Dee disse a Moizes che ello menasse lo povo in terra de promissiom.
Or lantó li figij d'Issael intràm in li soi tabernachuli e ge stavam dentro in zenogiom e adoravam lo nostro segnor Dee, e Moizes preize lo so tabernachulo e portàlo fora de lo oste, e quando Moizes insì fora per andá a lo tabernachulo, levasse tuta le gente e stavam tuti a la porta de la soa tenda, e goardavam aprovo a Moizes, finchè o fo intrao dentro da lo tabernachulo. E quando Moizes fo inter lo so, de lo monte insì una novera chi croviva tuto lo tabernachulo de Moizes, e lo povo stava a l'intrá de le lor tende, e adoravam lo nostro segnor Dee, e Moizes parlava con lo nostro segnor Dee cossì como um homo, e quando Moizes se ne tornà a lo povo per anonciáge so che lo nostro segnor Dee ge comandava, e lo fantim Ioxue, chi era servo de Moizes, si goardava lo tabernachulo.
Note
- ↑ cerno quod populus iste durae cervicis sit