Le vite de' più eccellenti pittori, scultori e architettori (1568)/Pius Papa Quintus

Questo testo è incompleto.

Giorgio Vasari - Le vite de’ piu eccellenti pittori, scultori, et architettori

Licenza

Informazioni sulla fonte del testo

◄

Prima dedica

Errata corrige

►

[p. xi modifica]

Pius Papa Quintus.

OTU proprio et cetera. Cum, sicut accepimus, Dilectus filius Philippus Iunta, typographus Florentinus, ad communem studiosorum utilitatem, sua impensa, Vitas illustrium Pictorum, et Sculptorum Georgij Vasarij, demum auctas et suis imaginibus exornatas; Statuta equitum Melitensium in Italicam linguam translata: Receptariumque novum pro Aromatariis; Aliaque operatum Latina, tum Italica, saneque utilia, et necessaria, imprimi facere intendat, Dubitetque ne huiusmodi opera, postmodum ab aliis sine eius licentia, et in eius grave præiudicium imprimantur. Nos proptereæ, illius indemnitati consulere volentes, Motu simili, et ex certa scientia, eidem Philippo concedimus, et indulgemus, ne prædicta opera, dummodo prius ab Inquisitore visa, et approbata fuerint, per ipsum imprimenda, infra decennium a quoquo sine ipsius licentia imprimi, aut vendi, vel in apothecis teneri possint. Inhibentes omnibus, et singulis Christi fidelibus, tam in Italia, quam extra Italiam existentibus sub excommunicationis latæ sententiæ; In terris vero S.R.E. mediate, vel immediate subjectis, etiam ducentorum ducatorum auri, Cameræ Apostolicæ applicandorum et amissionis librorum pœnis, totiens ipso facto, et absque alia declaratione incurrendis quotiens contraventum fuerit, ne intra decennium prefatum dicta opera sine eiusdem Philippi expressa licentia imprimere, seu ab ipsis, aut aliis impressa vendere, vel venalia habere. Mandantes universis veneralibus fratribus nostris Archiepiscopis, Episcopis, eorumque Vicariis in spiritualibus generalibus: et in statu S.R.E. etiam Legatis, Vicelegatis, Præsidibus, et Gubernatoribus, ut quoties pro ipsius Philippi parte fuerint requisiti, vel eorum aliquis fuerit requisitus, eidem, efficacis defensionis præsidio assistentes, præmissa contra inobedientes, et rebelles per censuras ecclesiasticas, etiam sæpius aggravando, et per alia iuris remedia, auctoritate Apostolica exequantur. Invocato etiam ad hoc, si opus fuerit, auxilio brachij sæcularis. Volumus autem, quod præsentis Motus proprij nostri sola signatura sufficiat, et ubique fidem faciat in iudicio, et extra. Regula contraria non obstante, et officij sanctissimæ Inquisitionis Florentinæ.

Placet Moto proprio. M.

Datum Romæ apud Sanctum Petrum quintodecimo Cal. Maij anno

secundo.