Nel chalender vain nomnà
 |
Questo testo è completo, ma ancora da rileggere. | |
| ◄ | 'Na memma lungia nun voless | Eau plaiant dolur arsara | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
18.
(Annalas XIV, Vital p. 227 — 29.)
Nel chalender vain nomnà
Tuot las sias insainas,
E landroura vain chattà
Tuot las malas femnas,
5 Chi non san as soffrir,
Chi non san as convgnir,
Sun sco chan e giatta,
Sovent as chatta.
Sün l’insaina del agnè
10 Ais ün’insaina flaivla;
Üna giuvna con ün vegl
Ais mamforgnus’o flaivla.
’La laschess il vegl murir,
’La tscherchess da survgnir
15 Ün giuven allegraivel
Ed amiaivel.
Sün l’insaina del liun
Dessast pür guardar,
Da non tour ün grand narrun,
Schinà est ingiannada.
20 Ma pustüt sch’el füss pac scort,
Schi at dess el pac cuffort,
Gess all’usteria
E magliess il tieu.
Il stainboc vain smalià
25 Con üna corna lada.
Sch’el savess da gratiar
Pro inqualche bavadra,
’La bavess bain tuot davent,
Saimper stess allegrament,
30 Füss adüna plaina
E non fess la tschaina.
Sün l’insaina del bouv
Dessast bricha prender
Üna con ün vestmaint nouv
35 E ’ls chatschous chi pendan.
Scha infants l’ha da survgnir,
Schi ’ls fa l’ir malvestits
E mal ragolats
E mal pezzats.
40 Sün l’insaina wassermann,
Ais ün insaina blaua,
Cur chi ais lönch tramaglià,
Schi soula ir ad aua.
Ma tü est il meis cuffiert,
45 Spordscha nan il teis man dret,
Schinà stögl eu murir,
Da qui spassir.
Eu voless gent rasiar
Pro üna giuventschella,
50 Sch’eu savess da gratiar
Pro üna scort’e bella.
Ma e sun semnadas rar,
Ch’eu startess da la chattar,
E stess tour pazienza
55 E far pentenza.