mercato, accussi caro a tutte nuie!
Io te jevo truvanno. E mine pareva
’e j’ truvanno mammema carnale!
Alle figliuole.
Povere ffiglie! Patre scunzulato
cchiu de vuie! Si truvate na pagnotta,
datele ncuollo. E mo, sentite buono:
vuie che vulite fa’? Dicite. È meglio
ca ve venno? Dicite: o ve vulite
muri’ ’e famme?
FIGLIUOLE
Vennitece, vennitece!
megarese
Embe’.... Ve venno. È fatto. Ma int’ ’a casa
chi s’ ’e mmette ddoie guaie comma vuiate?
Comm’ aggia fa’?.... Sapite mo che faccio?
Mo faccio nfenta ca so’ nu purcaro
e vuie ddoie purcelluzze. Va, trasite
dint’a sta pelle ’e puorco, e, si quaccuno
s’accosta, vuie strellate comme fanno
e’ purcielle lattante. Si ve porto
a casa n’ata vota, io ve ce porto
a muri’ ’e famme certamente. Jammo:
trasfte int’a stu sacco e accuminciate
a strella’ comm’ ’e puorce apparicchiate
p’ ’o sagrifizio. Io mo chiammo a Diceopole....
