 |
Questa pagina è ancora da trascrivere o è incompleta. | |
712 Alexander Balletta Turnaus a casa, ha mia famiglia retschiert mei carinamein, e tut perdunau. … Jeu hai giu la ventira de poder imbellir ils davos dis de mes gieniturs e de serrar ad els ils égls. Els ein ii ruaseivlamein ella pasch eterna, benedent quel che haveva ad els custau tontas larmas! 5 Eunc paucs dis e la patria dellas flurs sesarva a mia olma, et allura essen nus per adina reuni gieniturs e fargliuns e miu vegl colonell! Errur e Reconciliaziun. (Aus der Ligia Grischa, Nr. 25 — 27, 1870.) La domengia della tschentada fuva vegnida. Il vitg principal fuva 10 emplenius cun glieut giuvna e veglia, mats ed umens en igl antic costum original dil Grischun. Il tschiel era senza nibels, quolms e valls vestgeva in verd frestg, ils glatschers tarlischavan sco argient, cun in plaid la natira celebrava sia fiasta della primavera. Era il cor dils carstgeuns fuva emplenius … de legerment, schegiè che quei legerment haveva in caracter zun 15 mundan. En las ustrias ed avon quellas udevan ins cantar e schular ed umens ed mats buevan cun cazs ord butts aviartas. Tgi haveva pagau tut quei? — en mintga cas enzitgi che haveva in interess. Visibilmein haveva il vin gia scaldau il tgau a plirs ed il cant fuva buca adina in fetg correct. In 20 spectatur attent havess ulteriuramein encurschiu, che ils umens dellas diversas vischneuncas havevan lur agien liuc de riuniun, nua ch' ei vegneva plidau dil di de oz; bein enqual num udevan ins pronunziar e buca adina cun gronda curtesia . . . Il tun dils schumbers interrumpa il discurs gieneral. La fulla emplenescha 25 … las vias ed ils praus enturn il vitg. Il Mistral cass en manti tschietschen, procedius dal saltèr cun las colurs dil cumin e circumdaus dals commembers dallas auctoritats proceda enconter la plazza, nua ch' il pievel suvran dei elegier libramein ses caus. In til de mats armai cun vegls fisis ed accompignai dallas diversas bandieras marscha en urden militaric 30 e fa las honurs als „Signurs“. Il „fifer“ ed ils schumbraders procedan, … accompignai dals matatschs che han grondissima fiasta. „Fagiei rin“ — comonda il salter. La massa obedescha, mo bucca bugien; ei dat empau disurdens, mo per il moment quescha tut, havent il Mistral aviert igl engirament. Ils 35 umens ein sescuvretgs e pronunzieschan solemnamein ils plaids fixai dal tschentament. Ei fuva in spectachel imposant, ver quels umens della veglia Rhäzia en lur vestgius grischs s' enclinar avon il Segner. Finius igl engirament … dat ei niev moviment, las rietschas sesarvan e tscheu e leu vesan
