 |
Questa pagina è ancora da trascrivere o è incompleta. | |
798
Alphons Tuor
Matteuns giun Quadra statan,
E dian tupadats, —
E sgnoccas dian, datan
20Als cloms galants dils mats.
Cun prescha quels sepeinan
D' entscheiver lur banchet,
E schibas uss strameinan
Encunter il Pustget.
25[p. 39] Sco steilas fulminontas,
Sco meteors fulgents,
Sco glischs precipitontas
Van quellas tras ils vents;
E sbrinzlan, imiteschan
30Il firmament stelliu,
E quel illumineschan
Sclarent sc' in viv burniu.
La vall Campliun rebatta
Dil ferm applaus e ri,
35Cul qual la biala matta
Hortescha il siu bi.
Il giuven capitani,
In mat de bien humor,
In bi e leger schani,
40Cun vusch din ferm tenor.
Ossùm il crest uss cloma:
Oz legers lein eunc star
E far puschègn — e groma,
Matteuns, lu schei redar!“
45„Oz lein nus eunc a riva
Vegnir de far il fatg,
D' ir treis en biala stiva,
Matteuns, dei uss' adatg!“
…
[p. 40] „Rodunda rodundiala
50La schiba, schèba vegn,
Beata, mia biala,
Pegli' ella e retegn!“
Cun gronda forz' el tilla
La schib' e fa in segl —
55Schi lunsch el quella tilla,
Che tscharner strusch po gl' êgl.
Giu sin senteri sgola
La schiba sper la tur —
Leu steza la cazola:
60Tuts vesan cun sgarschur.
Ils zenns dell' Elsia plonschan,
Lamentan silla tur;
Els plonschan, bragian, plonschan
En peina e dolur;
65Ed en malencurada
Vestgida tras il Trun
Semov' ina tillada,
Che plonsch' e bragia zun.
Portaus vegn cun tristezia
70Da mats in grev vaschi;
Quel veva la carezia
Cuvretg cun in tschupi.
[p. 41] L' uniun de mats compara
E meina siu compogn,
75Che dorma sin la bara —
Tier il ruaus, il sogn.
Il till va sil senteri
E stat leu cun dolur
Sper ina fossa eri,
80Cavada sper la tur.
La porta stat aviarta,
Sil pass il viandont;
La fossa quella sparta
Il bab er' digl affont.
85Sper ell' in' adumbatten
Ha cauldas larmas spons —
Las larmas buc redatan
Ad ell' il car murons!
Beata, schventireivla,
90Tgei stos ti oz patir!
Ti orfna amureivla,
En claustra pos uss' ir!
