 |
Questa pagina è ancora da trascrivere o è incompleta. | |
880 Gion Martin Darms … constrenschius e supprimius: siat casas ha il fiuc ruinau dil tut ad ina otgavla mo par part. Angraziament al protectur celestial ad a quels bears valorus operaturs, ca han gidau stizzar e salvar la gronda part! Deus sai ludaus, ca nagin humaun ha pers la vita en grond prigel smanatschont! 5 Ed ussa, pli numerusamein ch' igl ordinari radunai en la casa dil Segner — chei volein nus oz? Forsa plonscher e lamentar e plirar sur la disgrazia occurrida? — Igl apostel Paulus gi a nus oz: „Nus savein, ca tuttas caussas serveschan en bien a quels, ca tegnan car Deus“. Tuttas caussas? er pia ina disgrazia, in brischament? Gie, cars auditurs, amproveien 10 cun agid divin da nus conventscher: Nies grond cunfiert ei, ca a quels, ca tegnan car Deus, er in incendi servescha en bien. Examineien pia la caussa ampau pli datier — ella merita quei bein. „Nus savein, ca tuttas caussas serveschan en bien a quels, ca tegnan 15 car Deus.“ Igl Apostel ei da quei ferm parsuadius, ad er nus fussen senza dubi bugent sut l' influenza digl incendi e nus essan quei er veramein sut ina condiziun, numnadamein: ca nus sudien tier quels, ca tegnan car Deus. Igl ei ina differenzia essenziala denter quels, ca snegan Deus u maina pertratgan vid' el, e quels ch' igl aman ed aduran sco bab celestial. 20 Ed a quels, c' aman Deus ne silmeins il volessen amar, appartenein er nus, schiglioc fussen nus buc cau en sia casa. — Mo ston e san pia tuttas caussas servir en bien? cuntut er scadina sventira, miseria, malsogna, mort, tuttas devastaziuns terriblas, er quella d' ansun Domengia? Daveras regeva duront il brischament nocturn anguscha e furtina tier bears e cuzza 25 anavont aunc bein gig par buca paucs profunda creschadigna e dolur par persas localitads e caussas plascheivlas. Cun snavur observa ins aunc gig las ruinas e destrucziuns edificialas. Mo plaunsiu se midan las relaziuns. Il temps medgia plagas. In se remetta. Ruvaseivla ponderaziun e resoluziun survegn il surmaun. In veza 30 pli e pli en la disgrazia er bunas consequenzas en general e particular, pli e pli caussas, ca serveschan en bien. Considereien principalmein treis de quellas. Oravont il liuc digl incendi cun tuts ses habitonts. Da quel se lai bein cun buna fidonza sperar e spetgar sco prezius success ed acquist: precauziun, preparaziun ed urden, provisiun sufficienta d' aua en fontaunas 35 e casas, cunzun en certs temps p. e. de ferms suffels, de schitgira e calira; tetgs dirs, assecuranza d' edificis e mobiliar. Daventa en quei tut anzatgei andretg, in bien progress, allura ha, savein nus gir, il brischament serviu en bien al liuc. Gida tetez, schi gida tei Deus! Milsanavont nus regordien nus en special de quels tuts, ca han pli 40 u meins patiu donn en consequenza dil brischament. Par els eis ei, sch' els vultan, in avis, ina educaziun, in castig. Han els forsa, senza directa culpa digl incendi, meritau aparti in castig? En quei resguard nus dat il Spindrader … sez la necessaria instrucziun: „Quitteits vus, ca quels schotg, sin
