 |
Questa pagina è stata trascritta ma deve essere formattata o controllata. | |
Ach, co gliei po mai midau,
Tgi vess quei maina patertgau,
Giuventetgna si carschida,
10 Vegliadetgna vi stulida;
Gliei restau grad enqualtgin
Cheu enten quest aschi bi curtin.
Tgei legria, tgei confiert
Ins afla en quest niebel jert,
15 Biaras gielgias ora dadas,
Tuttas aschi bein conservadas;
Ins po dir, che mintga flur,
Ha siu bien fried e colur.
Giuvens mats, che meis en quest jert,
20 Veigies adatg e figiei buc d' entiert;
In e scadin po bein ver la mira,
Cur che la gielgia ei madira,
De prender quella naven
Mo cun adatg e sentiment!
25 Ach, ventira vi jeu gurar
A scadin ch' a cheu de star,
Ch' ei daventi in jert fretgieivel,
Porti fretgs er zun legreiveils,
Porti rosas ed autras fluors,
30 Ed in fried zun merveglius.
Ach, ventira vi jeu gurar
A scadin, ch' a cheu de star,
Che suenter questa vita,
Che Dieus detti la vard dretga
35 Ed ina beada fin
A mi ed a Vus finadin.
38.
Stiarsas sera senza fraud
Ei a mi passau pil tgau
D' ina giuvn' il demanar,
Che bugient less maridar.
5 L' ha segir, per crei a mi,
Melli meinis mo en in di,
Quel che plai oz, plai buc damaun,
Oz Paris, Damaun Milaun!
